بكل رفاقية و موضوعية و بعقلية جبهاوية بعيدا عن التعصّب و السكتارية
كلّو الا منجي الرحوي لا بصراحة،
Bbbrrraaavvvooo يا شنة بن مفتاح
الحق ما يتغشش منو حدّ كانشي الباطلي و إلا الخلواض
شنة بن مفتاح
انا الحق ما عنديش مشكل انو الجبهة ترشح واحد(ة) اخر في الرئاسية وما ترشحش حمة الهمامي، رغم اني مانتصورش عندها مرشح خير من حمة،
اما كلو الا منجي الرحوي لا بصراحة،
منجي شخصية ما نرتاحلهاش اصلا.
بداية من تاريخو الي هو انسان اول مرة سمعت بيه بعد الثورة وماكنتش نسمع باي موقف ليه في وقت بن علي، والسيد عمرو 56 سنة يعني قبل الثورة عمرو 47 سنة، موش شباب جديد جا بعد الثورة باش ما نلقاولوش مواقف في وقت الاستبداد،
ثانيا منجي في وسط الجبهة لا عمري ريتو يدافع على وحدتها وقليل وين يتكلم باسمها، ديما يبدا كلامو ب"احنا في حزب الوطد الموحد" وديما السكتارية ضاربة اطنابها،و ما يخليش فرصة باش يعمل تصريحات فقط لبث البلبلة داخل الجبهة قال شنوة نقد وهو ينقد كان في التلافز..
ثالثا المنجي ما ننسالوش في اعتصام الرحيل نهار الي حبينا نقتحمو البرلمان والبوليس يخبط فينا وهو خذا الميكرو وبدا يسب فينا ويقول تفوريخ قدام مئات الالافاف الي حضرو في اربعينية الشهيد البراهمي،
رابعا المنجي الي صرح وقال "من يريد اسقاط قانون المالية فهو يريد الفوضى" وقتها احنا عاملين حملة فاش نستناو
خامسا المنجي الي يدافع على وزير داخلية ويدعو النقابات الامنية والامنيين للتحرك دفاعا على وزير الداخلية
سادسا المنجي في واقعة اقتحام محكمة بن عروس من طرف البوليسية والي العالم الكل ادانها كان هو
سابعا المنجي الي تقابل ثلاثة مرات مع الشاهد من وراء ظهر الجبهة ووراء ظهر حزبو يفاوض على الدخول في حكومة يوسف الشاهد
ثامنا المنجي اللي يقول حاجة ويمارس حاجة، يحب التداول في الرئاسية وهو اقدم نائب في الجبهة ويحب يعمل دورو ثالثة، ملا ديمقراطية،
هاذي قطرة من الاسباب ونتحفظ على ذكر البقية، وهذا راي من اراء جمهور ومناصري الجبهة كيما طلب سي المنجي
شنة بن مفتاح
