نقابات التعليم في خدمة القطاع الخاص

نقابات التعليم في خدمة القطاع الخاص

cنقابات التعليم في خدمة القطاع الخاص

نقابيي التعليم هوما إلي هلكو قطاع التربية العمومية و يدعمو في قطاع التربية الخاص

وهذا ما يكون كان بأجرو مشو لله الربّي و أنتم يا نقابيي القطاع المسؤولين الأولين على العنف و التسيب في معاهدنا

إذ ضربة ضربتين و إنتم مقرفين و تخدمو أكباش نطيح للإتحاد و للأحزاب السياسية و مهمّلين القطاع و خاصة أبنائنا التلاميذ الذين هم آخر إهتماماتكم

ممّا جعل إلي عندو فلوس هرب للقطاع الخاص و إلي ما عندوشي بقي تحت رحمتكم تتلاعبون به و تمتصّون في دمه بالدروس الخصوصية

و تتعاملون بمكيالين بين التلاميذ فمن يتابع الدروس الخصوصية أعداده دائما مرتفعة حق باطل حتى يصل للباك و يصدمو مستواه المتدنّي و الذي كان مغشوشا طيلة فترة دراسته بالفلوس

و الزوالي و إلا إلي ما يحبشي الدروس الخصوصية و يحب يعمّل على روحو تعيّفوه في روحو بالتنهيل و الأعداد المتدنية و في القراية

هاو الملف إلي يلزموا يتفتح و هات نشوفو أولادكم وين يدرسو؟ و آش تملكو و من أين لكم هذا؟ و هل تقرّوا أو مساهمين أو أحد أفراد العائلة يملك أحد المدارس الخصوصية؟

و ما معنى و متى الإضراب؟ و تقييم كل إضراباتكم و انعكاساتها على سلوك المؤسسة التربوية و على التلميذ و مستواه التعليمي و التربوي؟