اخرجوا كل يوم إن لزم الأمر وقولوا لا ما تسكتوش راهو سيناريو خطير

اخرجوا كل يوم إن لزم الأمر وقولوا لا ما تسكتوش راهو سيناريو خطير

كفرّوا شعب كامل .... كفروا بالبلاد بالدولة بالعلم ..ماإستعرفوش بالقانون والدستور ...عملوا المستحيل باش يتدرّبوا....وباش يخرجوا ....قطّعوا باسبوراتهم وبدّلوا حتى أساميهم .....قتلوا / ذبحوا أغتصبوا /قهروا / هجرّوا شعوب ودمّروا بلدان .... باعوا المخدرات وإستهلكوها ...

يهددوا فينا عن طريق الفيديوهات والصفحات متاعهم ....يبشّروا فينا بإقامة إمارة وخلافة ..... ما قالوش رانا راجعين .......... ما أعلنوش توبتهم ...... ومازالوا لتوه يكفروا في أمهاتهم وأبّاتهم و إخوتهم ......

ومع كل ذلك ...يجي كل مرة واحد لابس كسوة وكرافات .......وعامل روحو قانونجي .....يحكي ويقول نطبقو عليهم القانون ...........

يا ولدي أش مدخّلك ...... ؟؟؟؟.....تي أسكت ...... آما قانون ؟ ...

تي هوما ما همش مستعرفين بيه ..... باهي كيف نحطوهم في الحبس اللي تحكيو عليه ..........شكون اللي ضامنلك في صفقة مالصفقات يعملولهم عفو تشريعي عام وأحنا ما شاء الله أعيادنا برشا ؟؟؟؟ ......... تنجّم وقتها تعترض ؟؟؟

الله غالب ثمة برشا قانونجية ومن اليسار بالأساس.....كل مرّة يعرضو في خدماتهم لسيدهم الشيخ وكل مرة ياكلو الصطاكة وناكلوها معاهم في عظامنا

يا توانسة .......اخرجوا يوم الأحد (و كل يوم إن لزم الأمر)

قولوا لا ........ما تسكتوش ........راهو سيناريو خطير .....ٍراهي أخر معركة ............. وتذكروه كلامي هذا

وعلى فكرة من وقت مؤتمر "أصدقاء سوريا " .....ريقي شاح وأنا نحذّر من السيناريو هذا

Tammem Labidi, très en colère.