ذلك هو حمّة ابن الشعب و تأكدوا أنو ما خدمشي مخّو

ذلك هو حمّة ابن الشعب و تأكدوا أنو ما خدمشي مخّو

للذين أصابهم الغضب ممّا قام به حمّة في ولاية نابل بعد الكارثة المناخية آش حرق شعيركم في طاجينكم؟ تقلقوا إنتم كحمّة يزور نابل و يقدّم مساعدة و جاد الفقير بما عنده

و إلا تحبّوه يسترخص منكم قبل ما يمشي؟

آشبيكم شادّكم العصب و كشاكشكم تطاير و ما ريتكومشي متعصبنين على الحكومة و حانقين عليها كيما حانقين على حمّة

رفقا بأعصابكم فذلك هو حمّة ابن الشعب و تأكدوا أنو ما خدمشي مخو لمّا ذهب إلى نابل و لا عمرو خمّم باش يوصل للكرسي بحركات شعبوية لأنه ليس إنتهازيا كالبعض منكم

و لأنّه يؤمن بصراع البرامج و مقارعة الحجة بالحجّة و الباقي الآخر رويق فارغ كعك ما يطيّر جوع و ما يطولشي و ما يبقى في الوادي كان حجرو