وين ماشيين و علاش ساكتين..علاش حاملين الذل و مبلعين. ؟؟؟؟
كعبة البطاطة ثمنها 500 م وكعبة الطماطم 300 مليم وقرن الفلفل ب250 مليم وسي البصل ب300 مليم الراس ...و كيلو اللحم ب 30 د و أكثر...و الحوت من غير ما نحكيو عليه عاد..ما عاد خالط عليه حد..و الغلة لمن استطاع إليها سبيلا قريب تولي كي الحج..
هذا من غير ما نحكيو على الغلاء اليومي في فاتورة الضوء و الماء و الانترنات و في سوم المحروقات...يا بوقلب حتى الطريق السيارة زادوها...
خنقونا و جوعونا و عراونا و كرهونا في عيشتنا اصلا...انا وحدة من الناس موظفة و زوجي موظف...ما عادش خالطين ...
بصراحة وين ماشيين و علاش ساكتين..علاش حاملين الذل و مبلعين. ؟؟؟؟ ..البلاد كثرت فيها البراكاجات و السطو اليومي على الديار..كثر فيها الاجرام و الامراض النفسية و انتم ما زلتو ساكتين...؟؟؟؟
Henda Ben Yahia
Aucun commentaire:
Enregistrer un commentaire