إبكي على الإرادة السياسية و حكومات الفشل و النهب و العمالة

إبكي على الإرادة السياسية و حكومات الفشل و النهب و العمالة

عدد المهنيين الذين ينشطون بدون باتيندة يفوق 500 الف اضافة الى ما يقارب 400 الف منضوين تحت النظام التقديري يدفعون معدل ضريبة سنوية لا تتجاوز 50 دينار..المسالة مسالة ارادة وبرنامج وطني بمعزل على املاءات صناديق النهب الدولي ولوبيات التهرب الضريبي..النداء والنهضة منشغلان بالشقوق وتقاسم الغنائم وارضاء اسيادهم على حساب الوطن واشعب.

قاعة شاي براس مال نصف مليار تبيع كاس الشاي بدينارين وقارورة الماء بدينارين ونصف والشيشة بخمسة الاف ..صاحبها يدفع ضرائب في العام اقل من 100 دينار ..بينما يدفع الموظف البسيط اللي شهريتو 400 دينار ..ما قدرو مليون في العام.. دولة نهب وتتسلط وتجوع الزوالي والكادحين على خاطر عيون المافيات والسراق واحزاب الطحين المعولم.

و الدولة ما زالت تخدم باساليب الباي و الصبايحية.بالحرام طالب سنة اولى اعلامية قادر يعمل برنامج logicel كيف واحد يكح و ياخذ كعبة افيرالقان من عند الحماص الدولة تعلم بيه

خلي كيف يمشي للطبيب و يشري الدواء و يهز اوراقو للكنام أو يمشي للمحامي فاول ما الواحد يدخل عندهم يتسجل عند الدولة بعدد ملفو أو قضيتو وبقداش الطبيب أوالمحامي خذا عليه و خلي الارديناتور يحسب وحدو الاداءات توّ تتحسن مداخيل الدولة و نخرجو من الأزمة في أسرع وقت

و لكن إبكي على الإرادة السياسية و حكومات الفشل و النهب و العمالة

MED ALI ELWATANI