السؤال: لماذا نناقش الحجاب ولا نناقش التطور والحضارة؟

السؤال: لماذا نناقش الحجاب ولا نناقش التطور والحضارة؟

الرد: المشكلة في الاخر مش في الحجاب كقطعة قماش. المشكلة في كل الافكار اللي لازم تتقبلها البنت أو الست مع الحجاب و منها: إن المرأه عورة، و انها ناقصة عقل و دين، و انها مثيرة للغرائز، و من حق الرجل إنه يتحرش بيها لو هي مش لابسة كذا أو كذا. الفكر ده بيحلل الإساءة إلى المرأه و سلباها من حقوقها.

بعد شويه المرأه بتفقد الإحترام في المجتماعات اللي بتتبنى الفكر ده، و بيبقى عمل أي حاجة فيها حلال. و ده بيحصل في السعودية، بيسبوها تموت بس مايشفهاش راجل. في إيران بتخسر أي قضية لأن شهادتها بنصف شهادة الرجل حتى لو كان الرجل ده إختصبها. في مصر بيتحرشو بالمحجبة و المنقبة و طبعاً اللي مش لابسة حجاب عشان احنا امنا بفكر بيحتقر المرأه. الحجاب مش حاجة مادية بس.

لما الست بتقلع الحجاب الظاهر، بتقلع كمان الحجاب الفكري. مع إدعاء فرضية الحجاب جه تحريم التفكير، و تكفير كل من خرج عن الإجماع. و ده خلق عالم رجال الدين فيه أولياء من دون الله، و لهم فيه حق إحتكار الدين. الحجاب سجن المرأه عن الدور الإجتماعي، و الفكري و السياسي. المجتمع اللي المرأه فيه سجينة دايماً بيبقي الشعب فيه كله سجين، و ده اللي حاصل في مصر. كله سجين و كله تعيس و الرياء بقى أسلوب حياه.

خلع الحجاب المادي أول خطوة. هيليها خلع الحجاب الفكري، و لما الناس تبتدي تفكر تاني و يبقى فيه حركة فكرية ذي اللي كانت في مصر من ٦٠ سنة، كل حاجة هتبتدي تتغير. كل الطاقة المهدورة في التفكير في كل ما هو حلال و حرام، هتروح لحاجات تانية. بدل ما الناس بتقعد تفكر تدخل الحمام برجلها اليمين ولا الشمال، هتبدأ تفكر في العلم و التطور.

دور المرأه في المجتمع دور محوري. في مثل بيقول إذا أردت أن تعرف مدى تحضر مجتمع، فأنظر لكيف يعامل المرأه. لما نستغنى عن الفكر البدوي اللي بيحتقر المرأه ستنهض المرأه من جديد، وسينهض معها المجتمع. فلا تنسى إن المرأه هي اللي بتربي و تعلم الأجيال. تخلفها، بسبب قلة تعليمها و تهميشها، بيؤدي بشكل مباشر لتخلف و تهميش أجيال. لأ تطور و لأ حضارة في ظل التخلف.

منقول