مشكلتي الفساد و البطالة و كثرة الطحّانة

مشكلتي الفساد و البطالة و كثرة الطحّانة

من الاخر تحفيظ القرأن ما هوش مشكلتي وعمرها ما كانت مشكلة عند التوانسة

المثلية ما هيش مشكلتي وكانوا التوانسة ديما يتعاملوا معاها بالستر

ما هيش مشكلتي طلعات البجبوج  و هبطاتو  و خزعبلات الغنوش و مسرحياتو و دخلات مرزوق و خرجاتو  

أما مشكلتي في الإرهاب و الإغتيالات و دم شهدائنا 

أما مشكلتي  في إطلاق قتلة لطفي نقض و شكري بلعيد و الحاج محمد البراهمي و جيشنا و أمننا و إفلات النهضة من المحاسبة 

اما مشكلتي في اللي اتخطط ويتخطط في الظلمة بين زوز القرارم.

مشكلتي الي تشد بعظمتو في بن قردان وبرولوا الحكاية

مشكلتي في الحكومة اللي جات تعاون في الشعب ياخي هربتلو بالفاس.

مشكلتي نسبة النمو اللي قاعدة اطيح تحت 0.3.

مشكلتي القرض اللي تصحح وزاد في مديونية الدولة باش يمشي تعويضات قبل مؤتمر النهضة باش سيدي الشيخ ما يسهلوهوش ويني فلوس الجمعيات العالمية اللي كان يقبض فيهم في لندن و يباتو في بنما و غيرها من البنوك ونسي ما بعثهمشي لعايلات المسجونين و الأرامل و اليتامى.

مشكلتي نسبة التضخم اللي وصلت لاقصى درجاتها والقفة فارغة والمواطن غرق ولا عاد خالط لا على حليب صغارو و لا خضرة ولا غلة.

مشكلتي الناس اللي كل يوم تفتن بين التوانسة بحكايات من الحيط و مسرحيات سيئة الإخراج و تسب و تلعن في اليسار صباحا مساء و كل نهارباش تلهي ها الشعيب و بناته و أبنائه على مشاكلهم الصحيحة.

مشى في بالي التوانسة من حكاية برسيبوليس فاقوا ياخي كل مرض وعندو دواء يداويه كان المسطك تعب اللي يحب يشفيه.

برة كملوا عركتكم وسبكم وكان فقتوا سلموا علي شادد الخيوط يحرك فيكم بيهم.

انيس بن رجب العبيدي بتصرف