نخبنا إذا حكموا أفسدوا و إذا جلسوا تنبّروا

نخبنا إذا حكموا أفسدوا و إذا جلسوا تنبّروا

نخبنا السياسية و الحقوقية و النقابية و الإقتصادية و الإعلامية من كل المشارب.. يبقو كيف فرّاجة الكورة الكلها تولّي ملاعبية في المدارج و أمام الشاشات و ما يعجبهاشي العجب و تلقى ما تنتقد حتى في لعب رونالدو و ميسي

و كيف تعطيهم الكورة و تقلهم هيّا سيّب علينا منهم هيّا ألعبوا إنتم

ياما لا يستطيعون اللعب أو يرفضون اللعب و يتحججون بألف حجة و حجة أو يمركو في مرماهم و إلا يبدو يطوزو في الكورة طزّان و وين جات جات تقول عليهم يحادفو بالحجر مشهم يلعبو في كورة لها قوانينها و فنياتها

و إلا يسبوك و ما يخلّو ما يقولو فيك

يعني

ديدنهم إما الفشل أو العجز أو الشتم و التنبير

أو زعام كان فالفمّ الحارك........البارك

و ما بالطبع لا يتغيّر

و هنا أسوق حادثة لأستاذ كبير في الإقتصاد في جامعتنا و مستشار لعديد الشركات و البنوك و زوجته كانت بنكاجية

خرج من التعليم و فتح شركة خاصّة له فأفلست في ظرف وجيز

و حديثنا قياس عشرة سنين حكم فيها الحقوقي و القاضي و النقابي و أستاذ الإقتصاد الجامعي و رئيس شركة و بطّال و سياسيين من أغلب المشارب و كان الفشل حليفهم إن لم نقل حتى الفساد أصابهم

و لما أتى من أراد التصليح و الإنقاذ انبرت كل الأقلام في إنتقاده و الحطّ من معنوياته و تأليب الرأي العام الداخلي و الخارجي ضدّه لإفشال مسعاه

و لما أراد أن يعيد لهم دفّة الحكم و حدد موعدا لذلك شتموه أيضا و هاجو و ماجو و واصلوا تأليب الرأي العام الداخلي و الخارجي ضدّه

آش تحبوه يعمللكم الكورة الآن في ملعبكم ورّونا برامجكم للإصلاح و الإنقاذ و سيّب عليكم من شتم و التنبير على قيس سعيد أو اصمتوا و خلّوه يكمّل المشوار و يرمّم ما يستطيعه مما تركتوه له من إقتصاد منهار

حسين الديماسي : يتحدث عن وضع تونس ويخرج عن طوعه !

https://www.youtube.com/watch?v=eMqy4KDslDs

القاتل الإقتصادي جون بيركينز. إعترافات القاتل الإقتصادي

https://www.youtube.com/watch?v=9dG1yNabBeI