إلّي اختشو ماتو الله يرحم بلعيد و البراهمي

 

إلّي اختشو ماتو الله يرحم بلعيد و البراهمي

حزب فيه كعبتين و كعبة وهو كيف دون كيشوت يدزّ في صدرو في الرايحة و الجاية و يهدّد و يتوعد و باش يمسح المنظومة وهو داخل سوق البصّاصين بلا ترمة

ففي أول تحرك له ضدّ "الإنقلاب" خارج بسبعين عنصر ضحّك عليه الناس

ثانيا رافعين شعارات و لا واحد فيهم قادر يفسّرهالنا و يعطينا آليات تحقيقها قيادة و قاعدة و الكل يبلوكوك أو يشتمونك لما تسألهم لو كان حمة رئيس ماذا عساه فاعل؟ فيقولون لك مسح المنظومة من الحاكم للحكومة و السلطة للشعب و تأميم الثروات

و لما تقول لهم كلام جميل و لكن كيف يتم ذلك و ما هي آليات الوصول له و هل نطلب من قيس سعيد التخلي و نعود لحكم النهضة أم نقوم بثورة و إنتم عاجزون على قيادتها فتفتكها منكم النهضة و نعود تحت حكمها ثانية عندها يبدأ التخوين و الشتم و يصل إلى الشطب

و إلي قالتلته taisez-vous هي لمّا قال حمة لقيس سعيد برّا روّح

إي سي حمّة أولا هو ماهوشي في دارك و تونس للجميع وآشبيك ما قلتهاشي للوافدين علينا غزاة و كانوا حفاة عراة من وراء البحار فعرّونا و دمّروا كل شيء جميل في تونس

إي سي حمّة كيف يروّح الرئيس نرجعو وين كنّا؟ و إلا نتركو الفوضى تعمّ البلاد و يمشي فيها الشعب في الرجلين كيما في اليمن؟ أو تقوموا بثورة لا تستطيعون قيادتها فتتركونها للإخوانجية تعبث بها و تعيدنا لحكمها من جديد؟

ريتو خطورة مواقفكم على البلاد و العباد فهي مجرّد "ثورجية" بورجوازية صغيرة لا تسمن و لا تغني من جوع و لا تحسب للعواقب حسابا هانا معاكم لا تنسونا

مواقف صبيانية في واقع الحال ستزيد من دمار تونس و تفقير أهلها و لا تصلح شيئا بل ستزرع اليأس و الإحباط في النفوس و سيفهم خطأ أن قدرنا هو أن تحكمنا النهضة لعجز "ثوريينا" على تجميع أحرارنا و حرايرنا

تونس تلفظ الإخوان بعد عقد من الحكم

https://www.youtube.com/watch?v=IWfakOuhX60