(مصالحة) مانيش مسامح

(مصالحة) مانيش مسامح

قصيدة "مصالحه " للشاعر علي زمّور ( مصالحه )

(1)

إنسَ همّك ...إنس دمّكْ

إنس حتَى دمعة أمّكْ

وإيجا صالحْ

(2)

يجوا يقولولكْ

أنسَ الفاضلْ و الهماني و بركاتي

إنسَ القمعْ ...الّي ذاقهْ

حركاتي

إنسَ الفاتْ

إنس الرّعب ...التي عاشهْ

بن جنّات

إنسَ قصّة برج الرّومي

مع الطّليعهْ

إنسَ رفاقكْ...اللّي نادوا

بالقطيعهْ

إنسَ "الصّخرهْ" و "الشبيبه" و ال"campus"

إنسَ "البوب" و "الفيجيلْ" و البوليس

إنسَ الي عدّى..طول حياتهْ في المشاكلْ

تهمتو...أنّو مناضلْ في الهياكلْ

انسَ مجدهْ..إنسَ عزّه..إنس صالح

و إيجا صالحْ

(3)

يجو يقولولكْ

لأجل بلادكْ ...وحتى نقضي عالارهابْ

لازمْ نعلنها طواري

لا إعتصامْ...ولا مسيرهْ...ولا إضرابْ

نعرى و نسكتْ..أولاد الكلبهْ

نجوع و نسكتْ..أولاد الكلبهْ

أنتم في التعويضْ تعيشوا

وإحنا ...نموت نسفْ ترابْ

حتى تقظوا عالإرهابْ

من هو ..زرعوا هالإرهابْ؟

من هو ..سندوا هالإرهابْ؟

ياخي مشوا..شيخ الفتنهْ

نهار إلي قلنا "ثمّه شبههْ في لجبالْ"

"ثمّه حركهْ في لجبالْ"

وقف وصرّح في خطابْ

لا تمسّوهم ...عز أولادي

هوما أصدقْ ... صوره منّي

لمّا كنت صغير شبابْ

و قتلوا شكري .. بأمر المفتي

و خلّوا دمّه الطّاهر سايح

وإيجا صالحْ