اذا هاتوا نشوفو من يعبث بأمن البلاد و باستقرارها ومصالحها؟
شبيكم ما تصدمتوش وقتلي نهار 11 جانفي ميليشيات هبطت لشارع الحبيب بورڨيبة وخطب فيها وزير الداخلية علي لعريض ضد أعوان الأمن ؟
شبيكم ما تصدمتوش وقتلي 25 مارس ميليشيات تعتدي عالمسرحيين في شارع الحبيب بورڨيبة ؟
شبيكم ما تصدمتوش وقتلي ميليشات تضرب وتعتدي بالعصي رغم أنف الأمن على المعطلين على العمل نهار 7 أفريل ؟
شبيكم ما تصدمتوش نهار 9 أفريل وقتلي ميليشات تعتدي على نخبة تونس و على زبدة ذكائها وزعمائها ورموزها ومبدعيها ومثقفيها ونساها ورجالها ؟
شبيكم يا رسول الله توة فين تفاجأتوا ؟
شبيكم ما تفاجأتوش وقتلي الجماعة هزوا السلاح ضد جيشنا الوطني في بير علي بن خليفة ؟
شبيكم ما تفاجأتوش وقتلي في الروحية هزوا السلاح على جيشنا الوطني وعندنا ضابط شهيد وعندنا جندي شهيد ؟
شبيكم هاذايا لكل ما تصدمتوش عليه ؟ تصدمتوا كان توة ؟ إلا ما شعلت الدنيا بش تتصدموا ؟
أنا في تقديري إلي صاير اليوم هو نتيجة وليس سببا ! هاتوا ندرسو التطور ! اذا هاتوا نشوفو من يعبث بأمن البلاد و باستقرارها ومصالحها وبصورتها في الداخل والخارج وبسمعتها وبثورتها وبنموها وبثروتها !؟
شكري بالعيد / نوفمبر 2012 على اثر أحداث دوار هيشر
Aucun commentaire:
Enregistrer un commentaire