سي المرزوقي أنت و النهضة و النداء إن تستّر عليكم بيننا شهداء

سي المرزوقي أنت و النهضة و النداء إن تستّر عليكم بيننا شهداء

سي المرزوقي عامل روحك متفاجأ من موقف الجبهة أنت حر,

أما تقول بيناتنا الشهيد نبيل بركاتي وقتها تجاوزت حدودك.

شنوة معناها "بيناتنا " ؟

وزعت معاه البيانات ؟ اجتمعت معاه في السرية ؟

اعتقلوك معاه ؟ عذبوك معاه ؟ قتلوك معاه ؟ ...

زرت ضريحه 3 ولا 4 مرات وليت ناطق بإسمه ؟ 

ماشي في بالك فسخت التاريخ ؟ 

نذكروك بيه موش مشكل :

-ماي 1987 : قتلوا الرفيق الشهيد نبيل بركاتي تحت التعذيب وطيشوه وراء السكة وحطوا في يدو مسدس زعمة زعمة راهو سرقه من المركز الموقوف فيه و هرب وانتحر بيه . 

في الوقت هذاكا بن علي وزير داخلية ووزير أول (مع بعضهم ).

-نوفمبر 1987 : سيادتك تساند في التحول المبارك وفي العهد الجديد بقيادة بن علي . و تواصلت مسيرة البندير و وصلت سبقت التجمعيين وكنت أول من طالب بانتخاب بن علي بنسبة 99% باش "تنجح التلميذة تونس " كيما كنت تقول .

----

ما دامك تحب تعرف اللي بيناتنا ... هاو باش نقولهولك :

بيناتنا الثورة اللي بعتها بكرسي قرطاج ...بيناتنا دم شكري... بناتنا دم البراهمي ...بناتنا دم بالمفتي ... بيناتنا دم العجلاني ...

بيناتنا التاريخ... 

و إن غدا لناظره لقريب .

فاضل البركاتي