كان تنقصو من الحديث عن تركيا وتتولهو شوية ببلادكم أحسن

كان تنقصو من الحديث عن تركيا وتتولهو شوية ببلادكم أحسن

ما صار في تركيا كان مسرحية و سينما سيئة الإخراج

و وسائل اعلام عديدة و منها امريكية تحدّثت على أن : اردوغان رتب مسرحية الانقلاب ليعزز قبضته على الدولة وليظهر كبطل قومي بعد تراجعه في كل ملفات المنطقة

لذا و على رأي سيوارعمايدية

الانقلاب حصل في تركيا وفشل والعالم نساه والتوانسة لتوة يحللو ويناقشو في بيرواتهم وتحت الكليماتيزورات وممدودين على الشاز لونق ومبهورين بالديمقراطية وقوة الشعب التركي .

الاتراك ما رفعوش شعارات يهتفوا فيها بحبهم لادوغان والتوانسة قريب يسافرولو لتركيا يا بوقلب

كان تنقصو من ها التلك ليك وتتولهو شوية ببلادكم أحسن

تونس بحاجة ليكم راهية ماشية للهاوية فمة ناس ماتت بالشر وناس يئست وناس كرهت الوطن وناس علقت مشانق وناس كرهت السياسة والسياسيين

البلاد عشش فيها غول الارهاب والارهابيين لبلاد كثرو فيها الخونة والطبالة والزمارة ولا واحد جاب أمارة وقال عليّا وعلى أعدائي

مافيا ومرتزقة ونهابة وكلاب سايبة

بربي لمو رواحكم شوية ونقصو من الحديث ووفروه للفعل الصحيح وتعلمو تحبو الوطن متاعكم موش أوطان الناس لأنو كيف مايقولو يمة وكرك وكرك وراهي بلادي ولو جارت عليّا عزيزة

نقصو نقصو من التبندير والله كي تواتي فيكم إلموكم بجرافة ويبعثوكم في جرد زاورة

تلمو وتولهو ببلادكم لا ترصيلكم هاملين تلوجو على شبح وطن يحضنكم ويحميكم من نهش الدود

Siwar Ameidia