رجّعوا فلوس الشعب يا كذّابة

رجّعوا فلوس الشعب يا كذّابة

وفي علاقة باللي قالو عبد اللطيف المكي، حول التعويضات اللي تقلقوا منها الحقودين واللي ما تساوي شي قدام التضحيات اللي قدمتها الحركة من أجل منح التونسيين الحرية والكرامة، يلزم نستعرضوا مع بعضنا هذه التضحيات:

موش باش نحكي على مساندة النهضة للدساترة متاع بورقيبة في حربهم على الاتحاد ولا على تفجيرات سوسة والمنستير ولا على احداث باب سويقة... خلينا نحكيوا سياسة:

- 1987 راشد الغنوشي: "ثقتنا في الله وفي بن علي"

- 2005 في هيئة 18 أكتوبر لم يكن ضمن طرح النهضة لا كرامة ولا حرية فيما عدى العفو وعودة المهجّرين (الخوانجية اللي هربوا لبرة واللي برشة منهم كونوا ثروات بفلوس اليتامى والمساجين)

- 2008 في أحداث الحوض المنجمي، محاولات من الغنوشي وجماعتو الركوب على الحراك الاجتماعي للسمسرة مع نظام بن علي وافتكاك بعض المكاسب الحزبية الضيقة

- 2010 الغنوشي يعتبر أن الشباب الثائر هو نتاج نظام بن علي ولا يصلح ولا يصلح (بالكسر والنصب) وان البوعزيزي انتحر ومصيره النار...

- 13 جانفي زياد الدولاتلي ممثل حركة النهضة في هيئة 18 أكتوبر مع علي العريض (تم اخفاؤه بعدها) يقول: "أملنا في بن علي أن ينقذ البلاد كما أنقذها في 87

- ما بين 17 ديسمبر و14 جانفي لا وجود لأي بصمة أو تواجد خوانجي في الحراك الثوري ولا حتى على مستوى الشعارات (ما نحكيش على بعض الشباب الخرج مع جملة الثوار مدفوعا بوطنيته وفي مخالفة لتعليمات القيادة بالتريث)

- قبل 17 ديسمبر، وفي كلّ تحرّك نقابي كان او احتجاجي مجتمعي، كانوا الخوانجية اما فرايجية او مختفين او يكسروا في التحركات...

إذا، وما دام التعويضات خذاتها النهضة مقابل إهداءنا الكرامة والحرية، ومادام الحكاية طلعت فشوش، نطالب سي المكي وجماعتو بإعادة ما أخذوه من الدولة والمال العام بدون وجه حق

Moez Elbey Journaliste