"حزب الشيشة"
ما كلا على قلبي كان "حزب الشيشة"
لبلاد خربت و هو مستحلي العيشة..!
شاد القهاوي فرايجي متبندر..
ساق على ساق و الراس فوقه ريشة!
و لما "المسيرة" تمر..يبدا ينبر
يستهزي ب"الدقلة" و هو "صيشة"!!
..ما شاف تونس ذابحتها النهضة
و جزارها الغنوشي و"غنانيشه"
من جنوبها لشمالها في رهصة
تتوحوح من الشيخ و دراويشة
يرتع فيها الارهاب ذيب مسيب
خلى الجبل و جانا "للقريشة"
..لوقتاش تبقى و انت هكه مخدر
عالوعي غايب عامل تحربيشة
لوقتاش و انت كالعريس مصدر
لبلاد راحت .. و انت تمز في الشيشة؟
الازهر الضاوي
Aucun commentaire:
Enregistrer un commentaire